![](https://blogger.googleusercontent.com/img/b/R29vZ2xl/AVvXsEjtATpsCuG-roSFh0LdsppHUuiip9-PzEjOM3e4J6Zj295MnPsotQktpEGK3l7HqCpyDX_rjqen6NUk9QPD8hU5_LJ0X2ooA39J-nIHWKzXEFt96sTpxyL_bSGcZSVYFAeI3GUr7jTNN-Tkdzbcpzu3-kZSGpnmsOOMIyFTPaDZtGtINlIAWU7r4n3MFw/s1600/mei.jpg" width="320)
Awitan puji Nu Agung, didastakeun ka Ilahi, ka Alloh Nu Maha Endah, nu ngupah ngapeh pibatin. rehing ku widi Mantenna, rengse nganggit ngahariring.
Hariring awak satangtung, birahi ti awit lahir, cuang-cieung ngan sorangan, sorangeun diri pribadi, sajorelat kingkilaban, citangis ti Ahli Bait.
Munajat ka Maha Agung, di Baitulloh pribadi, Baitulloh saamparna, saliring-liring dumadi, sajagat sagorombyangan, jerit pibatin birahi.
Kasinaran layung ngempur, dumeling ti kangjemg Rosululloh, ti Imam Ali, ti Abu Bakar, ti Syekh Abdul Qodir Jailani, mugi kersa wening galih, diteda setra pangrasa, reh disanggi ku sim kuring.
Diwangun mangrupi lagu, Papatet anu maranti, sidik indung Tembang Sunda, Papatet patokan diri, papayeun nu ngahaleuang, haleuang Rawayan Jati.
Rum arum mitra sadarum, anu wening ngahariring, mapatkeun tembang Sang Nyawa, nyawa sakuring-sakuring, mugia kenging nugraha, puji pibatin ditampi.
Kabirahian nu hirup, sugrining anu kumelip, hayang mulang ka sungapan, ti suci mulih ka suci, congo nyurup di puhu-Na, mulih ka Bait nu asli.
Ya Alloh Nu Maha Agung, abdi sumujud babakti, nunuhun gaduh paneda, kalayan asmaning Gusti, ngalimpudan jagat raya, nu kawasa tanpa tanding, tumut tunduk sadayana, ka Alloh Nu Welas Asih.
Kamulyaan Anu Agung, ngawonkeun sagala rupi, Maha Kiat Nu Kawasa, tumpur sugrining nu batil, kakawasaan Pangeran, ngungkulan sagala rupi, maha-abadi Pangeran, ancur lebur nu pandeuri.
Asma Alloh Anu Agung, ngalimpudan bumi langit, elmu Alloh tan wilangan, ngawengku lahir jeung batin, kauningana Pangeran, ngalimpudan sagir kabir, Nur Ilahi nu sumirat, tingbaranyay tingkaretip.
Ya cahaya hurung mancur, nu teu awal henteu ahir, nu awal heulaeun awal, nu ahir ahireun ahir, nu abadi salamina, Nur Ilahi Maha Suci, sim abdi sujud neneda, neda rahmat asih Gusti,
Neda ampun ka Nu Agung, ku seueur dosa sim abdi, dosa dijieun sorangan, anu nyilakakeun diri, anu ngareksak kurnia, kurnia ka diri abdi, abdi dolim ka sorangan, dolim ka diri pribadi.
Ya Alloh Nu Maha Agung, abdi dumeuheus ka Gusti, mamandapan dedepean, henteu kendat-kendat dzikir, dzikir ku lisan ku ucap. dzikir ku batin ku gaib, neneda welas asihna, miharep rahmat Ilahi.
Ya Alloh Nu Maha Agung, deuheuskeun diri sim abdi, henteu tebih tina arasy, arasy pangkonan Ilahi, paparinkeun kasempetan, geusan abdi muja-muji, sujud sukur ka pangkonan, neda hidayah Ilahi.
Ya Alloh abdi nunuhun, abdi anu hina doip, nu salamina hariwang, anu sering hamham pikir, mugi kersa ngahampura, mugi miwelas miasih, jantenkeun jalma nu ihlas, nampi pangasih ti Gusti.
Ya Alloh abdi nunuhun, jisim abdi anu laip, nu seueur pisan paneda, kahayang teu sisip-sisip, mahluk nu nembe unjukan, upami gaduh kapeurih, nanging teu weleh sumambat, jumerit gedengeun Gusti.
Ya Alloh Nu Maha Agung, Maha Kawasa Tingali, Maha Akbar kawasana, Maha Luhur Maha Suci, anu kagungan rarancang, rarancang gaib nu latif, anu kagungan kawasa, kawasa bukti kasaksi.
Maha Kiat Anu Agung, Maha Panceg kodrat Gusti, kodrat iradat Mantenna, teu aya nu bisa nampik, teu aya nu wasa nolak, kana iradahna Gusti, teu aya nu wasa nyingkah, nyingkahan parentah Gusti.
Ya Alloh Nu Maha Agung, abdi sumujud babakti, teu aya nu bakal bisa, bisa ngahampura abdi, taya nu bisa nutupan, nutupan wiwirang abdi, mung Alloh Nu Welas Heman, abdi iklas sujud bakti.
Ya Alloh Nu Maha Agung, mung Gusti Ilahi Robbi, mung Alloh anu iasa, anu iasa ngarobih, amal abdi anu salah, gawe abdi anu batil, Gusti mah yasa ngarobah, sadaya teu langkung Gusti.
Teu aya deui Nu Agung, lintang ti Ilahi Robbi, mung Alloh anu kagungan, nu payus kenging pamuji, dupi abdi sayaktosna, tukang nganiaya diri, sering ngalanggar parentah, tina kabodoan abdi.
Ya Alloh Maha Papayung, papayung diri sim abdi, estu kalintang seueurna, kaawonan diri abdi, ku Pangersa ditutupan, kalintang seueur balai, ku Pangersa dihalangan, salamet diri sim abdi.
Rahayu Waluya Diri Sapapadana, Salalawasna
#Peperenian
Hariring awak satangtung, birahi ti awit lahir, cuang-cieung ngan sorangan, sorangeun diri pribadi, sajorelat kingkilaban, citangis ti Ahli Bait.
Munajat ka Maha Agung, di Baitulloh pribadi, Baitulloh saamparna, saliring-liring dumadi, sajagat sagorombyangan, jerit pibatin birahi.
Kasinaran layung ngempur, dumeling ti kangjemg Rosululloh, ti Imam Ali, ti Abu Bakar, ti Syekh Abdul Qodir Jailani, mugi kersa wening galih, diteda setra pangrasa, reh disanggi ku sim kuring.
Diwangun mangrupi lagu, Papatet anu maranti, sidik indung Tembang Sunda, Papatet patokan diri, papayeun nu ngahaleuang, haleuang Rawayan Jati.
Rum arum mitra sadarum, anu wening ngahariring, mapatkeun tembang Sang Nyawa, nyawa sakuring-sakuring, mugia kenging nugraha, puji pibatin ditampi.
Kabirahian nu hirup, sugrining anu kumelip, hayang mulang ka sungapan, ti suci mulih ka suci, congo nyurup di puhu-Na, mulih ka Bait nu asli.
Ya Alloh Nu Maha Agung, abdi sumujud babakti, nunuhun gaduh paneda, kalayan asmaning Gusti, ngalimpudan jagat raya, nu kawasa tanpa tanding, tumut tunduk sadayana, ka Alloh Nu Welas Asih.
Kamulyaan Anu Agung, ngawonkeun sagala rupi, Maha Kiat Nu Kawasa, tumpur sugrining nu batil, kakawasaan Pangeran, ngungkulan sagala rupi, maha-abadi Pangeran, ancur lebur nu pandeuri.
Asma Alloh Anu Agung, ngalimpudan bumi langit, elmu Alloh tan wilangan, ngawengku lahir jeung batin, kauningana Pangeran, ngalimpudan sagir kabir, Nur Ilahi nu sumirat, tingbaranyay tingkaretip.
Ya cahaya hurung mancur, nu teu awal henteu ahir, nu awal heulaeun awal, nu ahir ahireun ahir, nu abadi salamina, Nur Ilahi Maha Suci, sim abdi sujud neneda, neda rahmat asih Gusti,
Neda ampun ka Nu Agung, ku seueur dosa sim abdi, dosa dijieun sorangan, anu nyilakakeun diri, anu ngareksak kurnia, kurnia ka diri abdi, abdi dolim ka sorangan, dolim ka diri pribadi.
Ya Alloh Nu Maha Agung, abdi dumeuheus ka Gusti, mamandapan dedepean, henteu kendat-kendat dzikir, dzikir ku lisan ku ucap. dzikir ku batin ku gaib, neneda welas asihna, miharep rahmat Ilahi.
Ya Alloh Nu Maha Agung, deuheuskeun diri sim abdi, henteu tebih tina arasy, arasy pangkonan Ilahi, paparinkeun kasempetan, geusan abdi muja-muji, sujud sukur ka pangkonan, neda hidayah Ilahi.
Ya Alloh abdi nunuhun, abdi anu hina doip, nu salamina hariwang, anu sering hamham pikir, mugi kersa ngahampura, mugi miwelas miasih, jantenkeun jalma nu ihlas, nampi pangasih ti Gusti.
Ya Alloh abdi nunuhun, jisim abdi anu laip, nu seueur pisan paneda, kahayang teu sisip-sisip, mahluk nu nembe unjukan, upami gaduh kapeurih, nanging teu weleh sumambat, jumerit gedengeun Gusti.
Ya Alloh Nu Maha Agung, Maha Kawasa Tingali, Maha Akbar kawasana, Maha Luhur Maha Suci, anu kagungan rarancang, rarancang gaib nu latif, anu kagungan kawasa, kawasa bukti kasaksi.
Maha Kiat Anu Agung, Maha Panceg kodrat Gusti, kodrat iradat Mantenna, teu aya nu bisa nampik, teu aya nu wasa nolak, kana iradahna Gusti, teu aya nu wasa nyingkah, nyingkahan parentah Gusti.
Ya Alloh Nu Maha Agung, abdi sumujud babakti, teu aya nu bakal bisa, bisa ngahampura abdi, taya nu bisa nutupan, nutupan wiwirang abdi, mung Alloh Nu Welas Heman, abdi iklas sujud bakti.
Ya Alloh Nu Maha Agung, mung Gusti Ilahi Robbi, mung Alloh anu iasa, anu iasa ngarobih, amal abdi anu salah, gawe abdi anu batil, Gusti mah yasa ngarobah, sadaya teu langkung Gusti.
Teu aya deui Nu Agung, lintang ti Ilahi Robbi, mung Alloh anu kagungan, nu payus kenging pamuji, dupi abdi sayaktosna, tukang nganiaya diri, sering ngalanggar parentah, tina kabodoan abdi.
Ya Alloh Maha Papayung, papayung diri sim abdi, estu kalintang seueurna, kaawonan diri abdi, ku Pangersa ditutupan, kalintang seueur balai, ku Pangersa dihalangan, salamet diri sim abdi.
Rahayu Waluya Diri Sapapadana, Salalawasna
#Peperenian
Tidak ada komentar
Posting Komentar