Ulikan Rahyang, Danghyang Jeung Sanghyang

Lamun urang neleuman kasundaan nu ngandung 4 unsur tea, nyaeta seuneu taneuh, cai, jeung Hawa atawa hudara, ti mana pangasalan teh nyata, bakal kanyahoan.

Hawa-un nu ditiupkeun dina satutasna sabulan ngaherang dua bulan lumenggangtilu bulan gumulung, kakara kaopat ditiup ruh nu mawi kajadian Gumeter : Ditalqin "Alastu bi Robbikum..." (Dzikirna "ALLAAH" : Itsbat Ma'rifat), ari barang ka-9 Medal kakara ngarenghap, narik napas (Dzikirna "HU" : 'Aroful Ma'arif).

Dina Qur'an disebat ngeunaan naon anu disebat Pangasalan, nyata jalan atawa ambahan ngaasal-usulkeun diri, nyaeta :

1. Aya Elmu RaHyang (elmu Pangasalan seuneu) cepengan Idajil "Kholaqohu min sijjin" (seuneu nu kacida panasna), anu diwariskeun ka Sayyid Anwar bin Syits bin Adam.

2. Aya Elmu DangHyang (elmu pangasalan taneuh) ageman Nabi Adam "kholaqohu min thurob min tin min sholsolah" (dicipta tina Taneuh).

3. Aya elmu SangHyang (elmu Pangasalan Cai) cepengan Nabi Adam nu di wariskeun ka Nabi Syits Alahis Salam diwariskeun deui ka Sayyid Anwas diwariskeun deui ka Nabi Khidir As, waluya putra Malaka atawa Balya Ibnu Mulkan, "khuliqo min maa-in daafiq" (dicipta tina cai anu mancer)

Nalika Gusti ngajarkeun "Asmaa'a Kullaha" ka Adam As, nya laju bae Nabi Adam Alaihissalam weruh ka sakur nu maujud di Buana, nyaho diaran taneuh sahingga cacap Sahadat Bumi nu jadi Sahadat Pangasalan Raga, nyaho di herang-herang araning Cai tur cacap mafhum kana Syahadat Cai, Syahadat Pangasalan Rasa.

Barang Syits As apuputra Sayyid Anwar ti Dewi Dulajah, putrina Idajil, tur Sayyid Anwas ti bangsa manusa, ulikan pangasalan kabagi dua : Sayyid Anwar nu nurunkeun Para Dewa atawa Para Batara kawaris elmu Ra-Hyang ti Idajil, ari Sayyid Anwas kawaris elmu DangHyang sareng elmu SangHyang ti Syits Alahissalam, Sayyid Anwas nurunkeun para Nabi jeung para Wali, numawi dina syare'at Agama atawa ajaran para Nabi para Rosul tur para pakakas susuci teh upama teu ku cai nya ku Taneuh (Tayamum)

Saparantos ngabahas heula jalan-jalanna, kantun urang ngabahas ulikannana janten moal pacorok sareng pagentos antawis NgaHyang ku elmu Pangasalan Seuneu - Taneuh sareng Cai.

1. Dina ulikan elmu RAHyang (Seuneu), ngaHyangna ku cara Nga-Manu Raja Sunya/Ngawereng Geni (ngaduruk raga ku elmu), carana meditasi mayun ka salah sawios mandala papat bari mepet panca driya, mapatkeun Syahadat Geni sareng Pangasalannana, anu teu kadugi ku ulikan elmu tapana atawa tirakatna nya dimana maot disyare'atan ku cara diduruk layonna nganggo kayu Gahru atawa Cendana ngalangkungan hiji upacara anu dipingpin ku Pandita Agung nu uninga prak-prakanna, sapertos anu diagem ku kaum Hindu dugi ka ayeuna.

2. Dina ulikan elmu DAngHyang (Taneuh), ngaHyangna disebat "Tilem", carana meditasi mayun ka salah sawios mandala papat bari mepet panca driya, mapatkeun Syahadat Bumi sareng pangasalannana, ari anu teu kadugi ku sacara elmu sareng tirakatna sareng kana'atna nya dimana maot layonna disyare'atan ku cara dikubur sapertos kaum Islam, Kristen, sareng Yahudi.

3. Dina ulikan elmu SAngHyang (Cai), ngaHyangna ku carana meditasi mayun ka salah sawios mandala papat bari mepet panca driya, mapatkeun Syahadat Cai sareng pangasalannana, anu teu tiasa kadugi ku tempuhan elmu sareng tirakat Kana'atna nya disyare'atan dimana maot layonna dilarung ka Laut, mung cara ieu tos teu ilahar deui.

Upama urang  tenget ngaos tur neuleumannana sadayana natrat aya Ayatna dina al Qur'an.