Ngaguar Linggahiang Kasumedangan Nu Tinggal Carita



Bismillah nirohman nirohim...

Kuring nu ngabogaan kurung paparin ti GustiNa, nu jadi cukang lantaran Indung jeung Bapa, seja ngaguar pedaran bubuka ti para sepuh Sumedang baheula.



Insun Sunda Linggahyang Ageman Medal 
 
Teu sadaya jalmi nu terang kana asal mu asalna Ageman nu sampurna jeung disampurnakeun janten "Insun Sunda Linggahyang Ageman Medal". 
Ti mana asalna Nur/Cahya mancar ka sagala penjuru dunya, numutkeun catetan karuhun urang sunda, Insun Medal, nu jadi perlambang Sumedang dua kecap rahasia tur kabuka dina catetan buku "nyumput buni dinu caang". Insun sunda sieun di jaman penjajahan baheula mun gundem catur ngariung boh eta riungan ngabejakeun bebeneran aturan hirup keur jalma, jadi sadayana di belengu, nepi ka kiwari insun sunda jeung bangsa nagara nusantara, padahal insun sunda Sugih ku pangarti jeung jembar panalar, ngaji diri ngaji rasa aya tina jantung ati, ngajiwa kamanusaan pinter ngarti nu taliti, loba jalma ku kiwari nu pinter tapi teu ngarti, insun sunda panjeg jeung surti, milampah aturan hirup ku bener jeung satria ngagem elmu nu sajati, kaluhungan aya dina kamulyaan sangkan bener ulah salah kahirupanana. 
"Insun Sunda Linggahyang Ageman Medal". Hartosan kula urang sunda boga ciri nu leungit dina ageman ka luar, nyaeta di "Dok"keun Ku batur nepi ka ayeuna, padahal eta aturan hirup teh nu kula Aji Putih ditulis ku Sakawayana,  ditulis deui ku Bupati Sumedang di zaman Kerajaan Nederland, di bawa ka walanda jaman Raja Belanda Lodenwijk, adina Napoleon Bonaparte ku rupa-rupa tulisan jeung bahasa. 

Tapi teu nanaon dan ku kaluhungan karuhun jalma kapungkur nu ngelmu miyuni pare, boga pedoman, Milampah aturan hirup, ngagem budi luhur jembar manah wening galih satria tur bijaksana nu tuhu elmuning GUSTI NU MAHA KAWASA di alam dunya, saluyu hanteu sulaya, wani ku bener jeung surti hirup di dunya pikeun katintriman sakabeh insun sadunya, Ngaji diri, ngaji rasa. Geus aya ti baheulana ngan teu kabuka da aya dina buk NYUMPUT BUNI DINU CAANG, nyaeta INSUN MEDAL, kenging milapah thorekat Prabu Adji Putih jeung sakawayana nu makamna aya di Cipaku Darmaraja Sumedang, Sakawayana di serang kecamatan Cimalaka Sumedang.
"SUMEDANG asal kalimat tina Insun Medal - Insun Madangan, hartosna kula lahir jeung cahya nu caang ~ Nur ~ Muhammad,  jeung terbuka dina sagala maksud jeung tujuan lahir jeung batin pinuh ku kamulyaan"

"Medal kamulyan jeung Medang kamulyan" ku bukti kalawan nyata, ngan hanjakal patilasanna tos direndem ku walungan jati gede jigana sangkan leungit silsilahna Resi prabu Tajimalela nu kawentar batara Tuntang Buana, Resi Cakra Buana tur ngagem elmu Ka Sumedangan nu nyangking sareat hakekat, ngadegkeun Karajaan Sumedang Larang, Ku Insun Medang nu sugih pangarti jeung jembar panalar, sakabeh catetan baheula aya di negri balanda jeung nu ngajajah mangsa baheula. 

Hampura ngan ukur muka buku baheula nu geus lapuk jeung ruksak terus ngahyang. Poma Sumedang ulah nepi ngarangrangan kudu pucukan deui.

Pikeun ahli thorekat ieu lumpatna pasti kahartos kamana bebeneran hirup teh, Eyang Prabu Aji Putih milampah bebeneran kahirupan mangsa harita, pek geura emutan ku diri anjeun.

Putrana Eyang Prabu Aji Putih nyaeta Prabu Tajimalela nu kawentar batara Tuntang Buana, resi Cakra Buana tur ngagem elmu Ka Sumedangan nu nyangking sareat, hakekat, torekat sareng marifat zaman harita ngadegkeun Karajaan Sumedanglarang, Ku Insun Medang nu sugih pangarti jeung jembar panalar. 


Sumberna diserat ku : Surya dilaga, Bekerja di juru tulis di jaman Bupati pertama setelah sumedang larang. Dulu bersekolah di ELS (Eurospeesch Lagere School) atau disebut juga HIS (Hollandsch Inlandsch School) sekolah dasar dengan lama studi sekitar 7 tahun. Sekolah ini menggonakan sistem dan metode seperti sekolah di negeri belanda. HBS (Hogere Burger School) yang merupakan sekolah lanjutan tinggi pertama untuk warga negara pribumi dengan lama belajar 5 tahun. AMS (Algemeen Metddelbare School) mirip HBS, namun setingkat SLTA/SMA.Tinggal di Sumedang, Jawa Barat, Indonesia - madangan.blogspot.com

Hampura sim kuring ngan saukur muka buk baheula nu geus laas tur lapuk terus ngahyang.
Mun anjeun jaroh nu wening ati jeung teu aya maksud nanaon, estuning Laa illaha illallah, Nurrullah ~ Muhammad nyaangan alam dunya. Tangtu bakal miharti naon hartina Mulih Ka Djati Mulang Ka Asal. (asalna tina Nur/Cahaya kudu balik deui ka Nur/Cahaya ulah ka Alam nu teu dipiridhoi ku MantenNA). 

Numutkeun kiayai kepala pasantren Rajadesa Ciamis Ajengan Sambas anjeunna Guru Torekat Syatariah. Anjeunna nyaurkeun : 
"Yen ngaji hakekat kamarifatan kudu ka Sumedang, kagagahan ka Banten, Tarekat Cirebon Sumedang kahakekatan"

Poma Sumedang ulah nepi ngarangrangan kudu pucukan deui, ku Urang Sumedang.

Sasiureun Sabenjereun Papatah Kolot Baheula.

Wallahu a'lam 


Pun....Rampes 

Waalaikum Salam warohmatullahi Wabarokatuh...


Baca Juga :

Tidak ada komentar