NAHA SALAH MUN NGAHORMAT PUPUNDEN KABUYUTAN DINU DIRI

NAHA SALAH MUN NGAHORMAT PUPUNDEN KABUYUTAN DINU DIRI

BISMILLAHRRAHMANHIRRAHIM...

MUN ITU KABUYUTAN NU JATI KI SUNDA
SANGGEUS KASAEURAN RATA JEUNG LEMAH
DIKALI DEUI TUR DIRUMAT
DATANG KA SUMIRAT
NGIRUT UMAT SAJAGAT
NAHA PETA KITU TEH DOSA?

MUN KABUYUTAN KU KURING DISEBUT EMAS BOLONGKOTAN
ANU KAREM KA DASAR SAGARA
BARENG JEUNG PARAHU NUH KALEBUH
BARI TACAN MANJING DAWUH KU WAWUH
KIWARI DITEULEUMAN
TUR DIGOSOK NEPI KA BURAHAY DEUI
NAHA LAKU KITU TEH DOSA?

KABUYUTAN KI SUNDA JUNJUNAN KURING
NU PALASTRA TACAN MANGSA
KIWARI DITAWA KU PARA HYANG
DATANG KA WALUYA SAASALNA DEUI
NAHA POLAH KITU TEH DOSA?

ANAPON KITU AJARAN PARAHIYANGAN KISUNDA
NU KUNGSI NGACACANG DI PAWENANGAN
TAPI TULUY DITILEMKEUN KU NU TAMBELAR
DIGUYUR KU CAINA JAMAN
NAHA DOSA?

LAKU NU MANA NU DISEBUT DOSA TEH
NAHA NU NGADAKWA NGARUKSAK TATAPAK
NGALEBUR PUPUNDEN INDUNG TEU KASEBUT DOSA?
NAHA?

NANYA TEH LAIN PEDAH HAYANG DIJAWAB
TEU KUDU DIJAWAB
SABAB PATI HURIPNA KISUNDA
AYA DINA SUKMA SAKABEH KISUNDA
ANU JADI PANANJEURAN BALAREYA
NU SAJATINA PUPUNDEN ATI
NU MANG-WINDU-WINDU DIKISAT KU NU TAMBELAR
KIWARI NEPI KA RAMOHPOY TEU KAUR NANGTUNG
SEMET KUAT NGARERET NGANTI NU HAAT BAE

TAPI MUN TETEP GENAH PANASARAN
HUDANG! MAJU!
GEUWAT SANGKEH
SABAB AWAKNA RACA KU TAPAK TUBLES

NGAN PACUAN SING WASAPADA
GAPLAH LAKSANA POLAH TEH
BAKAL DIBANDUNGAN KU SAJARAH
NU TETEP GURAT NAPAK DINA BUANA

KABUYUTAN NGACACANG NA MARCAPADA
LAIN KAREK SAKATIGA
OGE LAIN UKUR MANGALAM-ALAM TILEM KASILEM
TAPI KIWARI TOTONDEN
KABUYUTAN GEUS NGALAHIR DEUI

GEUS NGADEG MEMEH SURYA SUMIRAT
GEUS AJEG MEMEH TARIK JANGKAR
PAJAJARAN KIWARI GEUS MITEMBEY LUGAY
DIPEDAR JEUNG DIGUAR

LAHIR DINA WANCI NU KASUNGSI
JUNGGELEK WALUYA JATI
PEDAH DISANGLING KU TIRTA JAMAN
MANGKA NU MELENG LOBA NU PANGLING
JEJEG PANGADEGNA SENTING WARISAN NU JADI BUYUT
NYAWALAKEUN KAASLIANNANA
BOH KU USIKNA BOH KU OBAHNA

POMA ULAH DISANGKA PAKE RANGKEPAN
SABAB KIWARI NYAMPAK GEUS TAYA NU ASLI
HAMO AREK NYISIKUDI

Baca Juga :