Jatigede Teu Ombakan

 Jatigede Teu Ombakan

Kleung angkleung,
Jatigede teu ombakan,
Kamari lembur ngahinghing,
Geueuman ku panakon teu ombak,
Atra carita leuweung larangan.

Ti isuk ka beurang,
Ka peuting ka nyaring,
Kleung angkleung,
Jatigede teu ombakan,
beuki pinuh ngangkleung,
katumbiri teu daek bijil,
nu ngangkleung poékeun,
Lembur Pangsarakan Pangbalikan.

Kleung angkleung,
Jatigede angin anginan,
nu ngangkleung leungiteun wiwitan,

Kleung angkleung,
Jatigede taya ombakan,

Kleung angkleung,
Jatigede taya ombakan,
beuki pinuh beuki deukeut,
datangna uga ngawaruga

By Dedi E Kusmayadi, Jatigede, 24/1/2016 Photo kitunan Away Kurnia 

Digurit deui tina lagu sunda "Kleung Angkleung Sagara Ombak-ombakan"