Naha Bener Sumedang Teh Nyandang Tandang Kahayang

Insun medal, Insun Madangan/
Kaula bijil nyaangan/
Ceuk Uga, Sumedang teh ngarangrangan/
Naha Bener Kiwari sirungan deui//

Hanjuang jadi perlambang/
Cacandran Dayeuh Sumedang/
Kutamaya panganjrekan nu baheula/
Naha Bener Jadi Ciri Kadigjayan//

Diriung ku gunung-gunung/
Gungung puyuh pangupukan/
Naha Bener Palasari Mawa Sarina/
Naha Bener Gunung Konci Jadi saksina//

Naha Bener Tampomas nu mawa endah/
Naha Bener matak sungkan nu rek mulang/
Naha Bener Patanina sugih mukti/
Naha Bener Padagang saruka senang//

Pangagung jeung rahayatna/ 

runtut raut sauyunan/
Dina ngudag kamajuan/
Singkil sabilulungan/
ngalaksanakeun pangwangunan/
Bari nyekel deleg agama jeung darigama/
Naha bener “Sumedang Teh Tandang Nyandang Kahayang”//

Baca Juga :