Cacandran Sumedang

• Sumedang geura ngadarma ka Darmaraja/
• Sumedang geura damaran ku Puncak Damar/
• Sumedang geura reugreug pageuhan ku Pareugreug/
• Sumedang geura cicingan pageuhan kukuhkeun ku Cipaku//
• Sumedang ulah di kiruhan ku Cikeuruh/
• Sumedang geura sarian ku Tanjung sari/
• Sumedang geura wangian ku ciwangi//

• Sumedang ulah kabobodo ku Cibogo/
• kapoyok ku Cipaok nagrong/
• mawa gorowong cur-cor ka Corenda/
• Sumedang geura pentang Curug Emas ku panah Cakrabuana/
• Sumedang geura buka koncina ku Gunung Kunci//

• Sumedang ulah nyemah ka Jemah/
• Sumedang geura mi indung ka Jati Indung/
• Sumedang geura mi bapa ka Pamoyanan/
• Sumedang geura paseukan ku gunung Jagat/
• Sumedang geura pinuhan ku Gunung Penuh/
• Sumedang geura eusian ku Cikeusi//

• Sumedang geura jayaan ku Nirmala/
• Sumedang kudu inggis ku bisi rempan /
• ku sugan ku Pasir Hiking (Pasir Ringkik)/
• Nini urung-urung aki urung-urung/
• Citarum mohal burung di bendung/
• Cisadane mohal burung di pungkat/
• Cadas cari teu anakan /
• Kaluhur jadi halimun /
• Kahandap jadi teu aya//

• Matih piburungan ibu, Sangkuriang kabeurangan /
• Cina bodo pulang ngaran beureum beungeutna/
• Cina mulang ka Cinaglang, ciri bukti parakan panjang/
• Jati Gede hese jadi, mohal burung di bendung//

• Ciri wanci nu mustari/
• Sumedang jaya bakal ngabukti/
• Nagara paeunteung-eunteung/
• Sumedang  Jaya jeung Karang Sambung/
• Ujung Jaya nu ngajadi, ahir supagi  jadi kota, /
• bakalna aya kuta, tapi bakal ahirna, /
• jangeun paseban kariaan, kariaan di Karang Sambung// 

• Tepung dulur dina uga galur/
• Prebu Ciung wanarah jeung/
• Prebu hariang banga/
• Ngabale di bale rante /
•  Sumedang tangtu rame//

Baca Juga :